ქართული ღვინის ფესტივალი ნორვეგიაში 2025
- tboba magazine
- Feb 3
- 1 min read
Updated: Feb 5
2025 წელს ნორვეგიაში ქართული ღვინის ფესტივალი უკვე მეხუთედ გაიმართება. ღონისძიების ორგანიზატორია ქრისტიანსანდში მდებარე ქართული ღვინის ბარი Gvino, რომელიც ადგილობრივ მომხმარებლებს ქართული ღვინის მრავალფეროვნებას აცნობს. ღვინის ეროვნული სააგენტოს მხარდაჭერით კი ფესტივალი ბოლო წლებში მნიშვნელოვნად გაიზარდა და ახლა უკვე ნორვეგიის ღვინის მოყვარულთა კალენდარში ერთ-ერთი გამორჩეული ღონისძიებაა.
ფესტივალის მიზანია ბაზარზე უკვე არსებული ქართული მეღვინეობების მხარდაჭერა და მათი პროდუქციის ცნობადობის გაზრდა ნორვეგიულ ბაზარზე. სტუმრებს ექნებათ შესაძლებლობა დააგემოვნონ კახეთის ქარვისფერი ღვინოები, ქართლის ცინცხალი და ასევე სხვა რეგიონის უნიკალური ღვინოები, რომლებიც საქართველოს მდიდარ მეღვინეობის ტრადიციას ასახავს. განსაკუთრებული ყურადღება დაეთმობა ქვევრის ტექნოლოგიას, ადგილობრივ ვაზის ჯიშებსა და საქართველოს ღვინის კულტურულ მემკვიდრეობას.
ღონისძიებას დაესწრებიან როგორც ღვინის პროფესიონალები და სომელიეები, ასევე ენთუზიასტები, რომლებიც ავთენტურ და ახალ ღვინის გამოცდილებას ეძებენ.
ფესტივალი ქართული მეღვინეებისთვისაც უნიკალურ შესაძლებლობას წარმოადგენს - თავიანთი ღვინოები გააცნონ ნორვეგიელ მომხმარებლებს, გააფართოონ პარტნიორული კავშირები და გააძლიერონ ქართული ღვინის პოზიციონირება საერთაშორისო ასპარეზზე.
ქართული ღვინის ფესტივალი ნორვეგიაში არა მხოლოდ დეგუსტაციის ღონისძიებაა, არამედ კულტურული ხიდიც, რომელიც აერთიანებს საქართველოსა და სკანდინავიას ღვინისა და ტრადიციების პატივისცემაში.
Comments