ქართული ღვინის მასტერკლასი ბრაზილიაში
- tboba magazine
- Nov 28, 2024
- 2 min read
ქართული ღვინო თავის უნიკალურობითა და მდიდარი ტრადიციებით კვლავ მოიპოვებს საერთაშორისო ყურადღებას. ამჯერად, Loco por Vino რომელიც ქართული ღვინის პოპულარიზებას ეწევა სამხრეთ ამერიკაში, ბრაზილიის სომელიეთა ასოციაციაში ქართული ღვინის მასტერკლასი გამართეს. ღონისძიებაზე განხილული იყო ქართული ტრადიციული ქვევრის მეთოდი და ვაზის ჯიშების განსაკუთრებული მრავალფეროვნება, რამაც დიდი შთამბეჭდილება მოახდინა.
T: რამ მოგცათ ინსპირაცია ქართული ღვინის მასტეკლასი ჩაგეტარებინათ ბრაზილიის სომელიეთა ასოცაიციის წარმომადგენლებისთვის?
მასტეკლასის ინსპირაცია საქართველოს მდიდარი ღვინის მემკვიდრეობა იყო, რომელიც სამხრეთ ამერიკაში ჯერ კიდევ სათანადოდ არ არის აღიარებული. ჩვენ ქართული ღვინის ახლოს გაცნობის და უნიკალურობის მნიშვნელობის გაცნობიერების შემდგე, მივმართეთ ABS-ს და მივიღეთ დადებითი გამოხმაურება. ეს პარტნიორობა ამაღლებს ქართული ღვინის რეპუტაციას და ქმნის მტკიცე კავშირებს ბრაზილიის პროფესიულ ღვინის საზოგადოებაში.
T: ქართული ღვინის რომელმა ასპექტმა გამოიწვია ყველაზე დიდი აღფრთოვანება?
ბრაზილიელმა სომელიეებმა აღტაცებით მიიღეს ქვევრის ღვინოების ავთენტურობა და ოსტატობა, რომელიც საქართველოს უძველესი მეღვინეობის ტრადიციებს წარმოაჩენს. დიდი მოწონება დაიმსახურა ღვინოებმა და ხაზგასმით აღნიშნეს ტრადიციებისა და თანამედროვე ხარისხის კონტროლის შერყმის მნიშვნელობა საერთაშორისო სტანდარტების დასაკმაყოფილებლად. ეს ხელოვნებისა და სტაბილურობის კომბინაცია აუცილებელია ქართული ღვინის ბაზარზე მიმზიდველობისა და მდგრადი ზრდისთვის გლობალურ ბაზარზე.
T: რა ძირითადი თემებზე გაამახვილეთ ყურადღება ქართული ღვინის გაცნობისას?
ღონისძიებაზე ქართული ღვინის სამი ძირითადი თემა წარვადგინეთ: ღვინის კერა, ქვევრი და 525 ვაზის ჯიში. მონაწილეები გაეცნენ საქართველოს 8000 წლიან მეღვინეობის მემკვიდრეობას, ქვევრის უნიკალურ ტექნიკას თიხის ჭურჭელში დუღილისა და დავარგების შესახებ და ქვეყნის საოცარ მრავალფეროვნებას 525 ვაზის ჯიშის სახით.
T: როგორ უწყობს ხელს ღვინის ინდუსტრიის პროფესიონალთა განათლება ქართული ღვინის პოპულარიზაციას?
ბრაზილიის წამყვან სომელიეთა ინსტიტუციასთან პარტნიორობა ქართული ღვინისთვის მნიშვნელოვანი ნაბიჯია. სომელიეების და სტუდენტების განათლების გზით, რომლებიც გაეცნობიან ქართული ღვინის უნიკალურ თვისებებს და ისტორიას, იქმნება მცოდნე ელჩები, რომლებიც მომხმარებლებს ეფექტურად გაუზიარებენ ქართული ღვინის ისტორიას. ეს აძლიერებს ნდობას, ხელს უწყობს გაცნობიერებულ შესყიდვებს და ამაღლებს ქართული ღვინის გლობალურ რეპუტაციას. გარდა ამისა, პროფესიონალური განათლება ქმნის ღირებულ ქსელებს, რაც ხსნის ახალ შესაძლებლობებს რესტორნებში, ღონისძიებებსა და საერთაშორისო ბაზრებზე.
Comments