ევროკავშირის ახალი რეგულაცია ღვინის ეტიკეტირების წესებთან დაკავშირებით

ღვინის ეტიკეტირება და კანონთან შესაბამისობა საკმაოდ კომპლექსური თემაა, რომელსაც ყოველი ქვეყანა საკუთარი წესებით მართავს. ევროკავშირის ახალი რეგულაცია მეღვინეებს ავალდებულებს, ეტიკეტზე გარკვეული ინფორმაცია ევროკავშირის ქვეყნების 24 ოფიციალურ ენაზე განათავსონ.

ყველა ღვინო, რომელიც ჩამოსხმული და ეტიკეტირებული იქნება 2023 წლის 8 დეკემბრის შემდეგ, ექვემდებარება ახალი ეტიკეტირების წესს.

ახალი რეგულაციის მიხედვით, ეტიკეტზე უნდა განთავსდეს:

·       ალერგენების სია

·       შემადგენლობის ინფორმაცია

·       ენერგეტიკული ღირებულება (კალორიებში და კილოჯოულებში)

ამასთან ეს, ინფორმაცია წარმოდგენილი უნდა იყოს ევროკავშირის ქვეყნების 24 ოფიციალურ ენაზე.

რადგანაც საკმაოდ ვრცელი ინფორმაციის დატანა ხდება ეტიკეტზე, კანონი უჭერს მხარს ინოვაციურ მიდგომას - ელექტრონულ ეტიკეტს იგივე QR კოდის გამოყენებას. ამ კოდით მომხმარებელი შეძლებს საჭირო ინფორმაციაზე წვდომას, თუმცა კანონი კრძალავს მომხმარებლის ე.წ თრექინგს და მომხმარებლის გადაყვანას მარკეტინგულ ან კომერციული შინაარსის ვებგვერდზე. შესაბამისად კომპანიებს დასჭირდებათ მესამე წყაროს საშუალებით შექმნან ელექტრონული ეტიკეტები.

ევროკავშირის ახალი რეგულაცია ღვინის ეტიკეტირებაზე გამჭვირვალობას უსვამს ხაზს. მწარმოებლები, ვინც სწრაფად მოერგებიან ცვლილებებს, მომხმარებლის ნდობას მოიპოვებენ და ბაზარზე გაძლიერდებიან.

დღეს ღვინის მოყვარულები უფრო ინფორმირებულები არიან, და ეს რეგულაცია მათ კიდევ უფრო მეტ მონაცემს სთავაზობს.