არამექს ჯორჯია დეკანტერის ექსკლუზიური ლოჯისტიკური პარტნიორია

დეკანტერი მსოფლიოს ერთ-ერთი ყველაზე პრესტიჟული და გავლენიანი ღვინის კონკურსია, რომლის ჯილდოები დიდი წონით სარგებლობს ღვინის სამყაროში. თუმცა, კონკურსში მონაწილეობის მისაღებად მხოლოდ ღვინის ხარისხი არ არის საკმარისი - მნიშვნელოვანია მისი უსაფრთხო და სათანადო ტრანსპორტირება დანიშნულების ადგილამდე. სწორედ ამ პროცესის სირთულეების დაძლევაში ღვინის კომპანიებს არამექს ჯორჯია ეხმარება, რომელმაც 2024 წელს დეკანტერისგან ექსკლუზიური ლოჯისტიკური პარტნიორის სტატუსი მიიღო.

ეს აღიარება, რომელიც კომპანიისთვის დიდი წარმატებაა, მრავალი წლის ნაყოფიერი თანამშრომლობის შედეგია.

„წლების განმავლობაში ჩვენ ვაგზავნიდით სხვადასხვა კომპანიების ღვინოებს დეკანტერის კონკურსისთვის. თითოეული მათგანი გამოირჩეოდა უმაღლესი ხარისხის შეფუთვითა და სათანადოდ მომზადებული დოკუმენტაციით, რაც უზრუნველყოფდა, რომ საბაჟო პროცედურებში არ გაჩენილიყო დამატებითი სირთულეები“ - ლიკა უსანეიშვილი, გენერალური დირექტორი.

„2023 წელს დეკანტერისგან მივიღეთ ინიციატივა, რომ გავმხდარიყავით მათი ექსკლუზიური ლოჯისტიკური პარტნიორი. გავიარეთ გრძელი და დეტალური შესარჩევი პროცესი და საბოლოოდ ხელი მოვაწერეთ ხელშეკრულებას, რომელიც ამ სტატუს გვანიჭებს.“

ასევე, დეკანტერთან თანამშრომლობის ფარგლებში, არამექს ჯორჯიამ მეღვინეებსა და ღვინის კოპმანიის წარმომადგენლებს უმასპინძლა სემინარზე, სადაც განხილული იყო ტრანსპორტირების და კონკურსში მონაწილეობის საკითხები.

ღვინის ტრანსპორტირება განსაკუთრებულად სენსიტიური და კომპლექსური პროცესია. ის მოითხოვს ტრანსპორტირების წესების მკაცრ დაცვას და იმ ქვეყნების საბაჟო რეგულაციების გათვალისწინებას, სადაც ღვინო იგზავნება. „ყოველივე ეს რთული პროცესია, მაგრამ არამექს ჯორჯია უზრუნველყოფს, რომ ღვინის კომპანიებმა შეძლონ სასურველ ვადებში თავიანთი პროდუქციის მიწოდება მსოფლიოს ნებისმიერ წერტილში“ - აღნიშნავს ლიკა.

არამექს ჯორჯიას გამოცდილება და სერვისები მნიშვნელოვან როლს ასრულებს ქართული ღვინის ინდუსტრიის გლობალურ არენაზე დამკვიდრებაში, რითაც კომპანიებს ეხმარება, მათი პროდუქცია წარმატებით წარადგინონ მსოფლიოს წამყვან ღვინის კონკურსებსა და გამოფენებზე.